QS reytinq agentliyi 2026-cı il yanvarın 28-də Avropanın ən yaxşı universitetlərinin siyahısını açıqlayıb.
“QS World University Rankings: Europe 2026” nəşrinə əsasən, Xəzər Universiteti 361-ci yerdə qərarlaşıb. Eyni zamanda universitet Qərbi Asiya regionu üzrə ali təhsil müəssisələri arasında 18-ci yeri tutmuşdur.

Bununla yanaşı, Xəzər Universiteti məqalələrə istinad göstəricisi üzrə Avropanın ən yaxşı 958 universiteti arasında 97-ci sırada yer almışdır.

Reytinqdə Avropa Şurasına üzv olan 42 ölkədən ümumilikdə 958 ali təhsil müəssisəsi yer alıb. Siyahıda Azərbaycan 15 universitetlə təmsil olunmuşdur.

QS Avropa reytinqi ali təhsil müəssisələrinin qlobal təhsil məkanında tanınması, tədqiqat göstəriciləri, tədris resursları, beynəlmiləlləşmə səviyyəsi, məzunların məşğulluğu və digər indikatorlar əsasında formalaşdırılır.

Reytinq haqqında daha ətraflı məlumat aşağıdakı linkdə təqdim olunur:

https://www.topuniversities.com/europe-university-rankings?countries=az