2026-cı il yanvarın 20-də  Xəzər Universitetinin rektoru  Raziyə İsayeva, professor-müəllim heyəti və universitetin əməkdaşları Şəhidlər Xiyabanını ziyarət edərək, Yanvar faciəsinin ildönümü münasibətilə Azərbaycan xalqının azadlığı, suverenliyi və müstəqilliyi uğrunda canlarından keçmiş şəhidlərin xatirəsini dərin ehtiramla yad etmiş, məzarları önünə gül dəstələri qoymuşlar.

1990-cı ilin 20 Yanvarında baş vermiş qanlı hadisələr Azərbaycan xalqının azadlıq istəyini boğa bilməmiş, əksinə, müstəqil Azərbaycan dövlətinin qurulmasına aparan yolu daha da sürətləndirmişdir. Bu faciə tariximizin həm dərin ağrı, həm də milli qürur doğuran səhifəsi kimi xalq yaddaşında əbədi həkk olunmuşdur.

Şəhidlərin xatirəsinin daim uca tutulması, 20 Yanvar həqiqətlərinin gənc nəsillərə düzgün, obyektiv və dolğun şəkildə çatdırılması Xəzər Universitetinin əsas mənəvi dəyərlərindən biri olaraq daim diqqət mərkəzində saxlanılır.