Tarix və arxeologiya departamentinin təşkilatçılığı ilə 2026-cı il yanvarın 19-da universitetdə rəhbərlik, müəllim heyəti və tələbələrin iştirakı ilə 20 yanvar hadisələrinin 36-cı ildönümünə həsr olunan anım tədbiri keçirildi.

Tarix və Arxeologiya departamentinin müəllimləri Dr. Söhrab Mustafayev, Dr. Odər Əlizadə, Dr. Ülviyyə İbrahimova və Xəzər Universitetinin İctimai Əlaqələr və Media üzrə direktoru Əlövsət Əmirbəyli çıxış etdilər. Çıxışlarda Sovet imperiyasının Azərbaycan xalqına qarşı həyata keçirdiyi misli görünməyən vəhşilik, 20 yanvar hadisələrinin mahiyyəti, xalqımızın milli müstəqillik və ərazi bütövlüyümüz uğrunda göstərdiyi mübarizə ruhu,  Moskvanın  bütün təzyiqlərinin, qorxu yaratmaq cəhdlərinin milli birlik və həmrəyliklə dəf edildiyi qeyd olundu.