17 yanvar 2026-cı il tarixində Tarix və Arxeologiya departamentinin müdiri, Dos. Telman Nüsrətoğlunun “Parçalanma projelerine karşı “Türk Aklı” adlı məqaləsi Türkiyənin ən mötəbər mətbu orqanlarından biri olan “Türkiye” qəzetində dərc edilib.

Məqalədə Dos. Telman Nüsretoğlu bildirib ki, Orta Doğu bu gün etnik və məzhəbi qarşıdurmalar üzərindən parçalanmaq təhlükəsi ilə üz-üzədir və bu proses bölgə üçün ciddi risklər yaradır. Departament müdirinin sözlərinə görə, bu parçalama siyasətinin əsas məqsədi Türkiyəni cənubdan mühasirəyə almaq, İranı zəiflətmək və İraqla Suriyanı daimi qeyri-sabit vəziyyətdə saxlamaqdır. Dos. Telman Nüsretoğlu vurğulayıb ki, Türkiyə hazırda bölgədə əsas sabitlik və balans amilidir və Türk dünyası artıq passiv mövqedə deyil. İran üçün ən rasional yolun Türkiyə–Azərbaycan mərkəzli regional əməkdaşlıqdan keçdiyini deyən alim, Tahranın məzhəbçi yanaşmalardan imtina etməsinin vacibliyini qeyd edib. O bildirib ki, İranın tam çöküşü bölgədə demokratiya deyil, xaos və humanitar fəlakət yaradacaq. Çin və Rusiyanın İran siyasətinə də toxunan Telman Nüsretoğlu, bu ölkələrin İranın nə tam güclənməsində, nə də tam dağılmasında maraqlı olduğunu bildirib. Sonda o qeyd edib ki, Türk-İslam birliyi romantik fikir deyil, mövcud dünya nizamında ayakta qalmağın real və zəruri yoludur.

Məqalənin linki aşağıdadır:

https://www.turkiyegazetesi.com.tr/kose-yazilari/genis-aci-fikir-ve-tartisma/parcalanma-projelerine-karsi-turk-akli-1763915