Xəzər Universitetinin Dillər və ədəbiyyatlar departamentinin müəllimi, filologiya elmləri üzrə fəlsəfə doktoru Pərvin Eyvazov İctimai Radioda tanınmış aparıcı Pərvanə Nadirqızının təqdimatı ilə yayımlanan “Can, Azərbaycan!” verilişinin qonağı olub.

Verilişin Birinci Türkoloji Qurultayın 100 illiyinə həsr olunmuş növbəti buraxılışında Prezident cənab İlham Əliyevin bu mötəbər elmi-mədəni hadisənin yubileyləri ilə əlaqədar imzaladığı sərəncamların tarixi əhəmiyyəti diqqətə çatdırılıb. Eyni zamanda, qurultay çərçivəsində müzakirə olunan əlifba, imla, terminologiya, türk dillərinin tədqiqi və tədrisi, eləcə də ortaq türk dili məsələləri ətrafında səsləndirilən fikirlər və qəbul edilən qərarlar müzakirə edilib.

Verilişdə Birinci Türkoloji Qurultayın Azərbaycan türkologiyasının formalaşması və inkişafına göstərdiyi təsir xüsusi vurğulanıb.