10 yanvar 2026-cı il tarixində Tarix və Arxeologiya Departamentinin müəllimi, tarix üzrə fəlsəfə doktoru Nurlan Nəsirovun professor Zabil Bayramlı ilə birgə hazırladığı elmi məqalə AMEA-nın “Sosial elmlər” jurnalının 2025-ci il, 2-ci sayında dərc olunub.

“İbn Bəzzaz Ərdəbili’nin “Səfvətüs-Səfa” əsərində Şeyx Səfiəddinin məzhəbi və etnik kimlik məsələsi” adlı məqalə XIV–XV əsrlərə aid əsas hagiografik mənbələrdən biri olan İbn Bəzzaz Ərdəbilinin “Səfvətüs-Səfa” adlı farsdilli ilkin qaynağı əsasında aparılmışdır. Tədqiqat Səfəvi tarixinin ilkin mərhələlərinin, xüsusilə xanədanın ilk nümayəndəsi hesab edilən Şeyx Səfiəddinin etnik və məzhəbi kimliyinin müəyyən olunması, həmçinin Azərbaycan tarixində etno-konfessional proseslərin öyrənilməsi baxımından mühüm elmi əhəmiyyətə malikdir.

DOI: https://doi.org/10.59849/2710-0820.2025.2.97