2025-ci il dekabrın 28-də “Archeology Azerbaijan”ın təşkilatçılığı və AMEA Arxeologiya və Antropologiya İnstitutunun aparıcı elmi işçisi, Xəzər Universitetinin müəllimi Dr. Yaqub Məmmədovun iştirakı ilə “Azərbaycanda Paleolit dövrünə dair tədqiqatlar: əldə olunmuş nəticələr, problemlər və qarşıda duran vəzifələr” mövzusunda elmi görüş keçirilmişdir.

Tədbirdə tədqiqatçı Paleolit abidələrinin Azərbaycan ərazisində yayılma coğrafiyası, 1953-2025-ci illərdə yerli və beynəlxalq ekspedisiyaların tədqiqat nəticələri haqqında geniş məlumat vermişdir. Y. Məmmədov xüsusilə Vətən müharibəsindən sonra iştirakçısı olduğu Azıx və Tağlar mağaralarında aparılan beynəlxalq arxeoloji tədqiqatlara xüsusi yer ayırmışdır.

Görüşdə tarixçilər, tələbələr, tədqiqatçılar və bu sahəyə marağı olan şəxslər iştirak etmişdir. Diskussiya şəklində davam edən tədbirdə iştirakçılar suallarını səsləndirərək, dəyərli məlumatlar əldə etmişlər.

Tədbirin əsas məqsədi Azərbaycan arxeologiyasının Paleolit mərhələsinin öyrənilməsində əldə olunan uğurları paylaşmaq və qarşıda duran elmi və metodoloji çağırışlara diqqət çəkmək idi.