2025-cü il dekabrın 26-da Siyasi elmlər və fəlsəfə departamentinin müdiri Dos. Orxan Vəliyev AnewZ kanalında Andi Mioc’un “Azərbaycan xarici siyasətinin icmalı” (Azerbaijan Foreign Policy in Review) mövzusunda verilşinin qonağı olmuşdur.

Dos. Vəliyev bildirib ki, 2025-ci il Azərbaycan xarici siyasəti baxımından Əbu-Dabi görüşü və Vaşinqton deklarasiyası kimi mühüm nailiyyətlərlə yadda qalıb. O, Əbu-Dabi görüşünün Azərbaycan və Ermənistan arasında ikitərəfli formatda keçirilməsinin xüsusi əhəmiyyət daşıdığını vurğulayaraq qeyd edib ki, bu, Azərbaycanın uzun müddətdir nail olmağa çalışdığı əsas məsələlərdən biri idi. Dos. Vəliyevin sözlərinə görə, digər mühüm nailiyyət Vaşinqton deklarasiyası, yaxud Vaşinqton sammiti hesab oluna bilər. Bu sənədi davamlı sülhə aparan sonuncu addım kimi dəyərləndirən dosent xüsusilə diqqətə çatdırıb ki, iki ölkənin bu sənədi ABŞ-la birgə imzalaması sülh prosesinə əlavə təminat kimi qiymətləndirilə bilər.

Link: https://youtu.be/TQ4JElZM2jA?si=pbwp_OSV8c5sbqxM