Xəzər Universitetinin İngilis dili və ədəbiyyatı departamenti 2025-ci il dekabrın 25-də Neftçilər kampusunda "İngilis dili üçün qlobal struktur: CEFR yeganə yoldur?" adlı akademik seminar təşkil edib.

Seminar Türkiyənin Bartın Universitetindən Dos. Burcu Ak tərəfindən aparılıb. O, ingilis dilinin tədrisi və qiymətləndirilməsinə qlobal yanaşmalar sahəsindəki təcrübəsini bölüşüb. Məruzəsində Avropa Dilləri üçün Ümumi Təsnifat Strukturunu (CEFR) tənqidi şəkildə araşdıraraq, onun geniş istifadəsini, pedaqoji dəyərini və müxtəlif təhsil və mədəni kontekstlər daxilində məhdudiyyətlərini nəzərdən keçirib.

İngilis dili və ədəbiyyatı departamenti qiymətli töhfəsinə görə Dos. Burcu Aka, habelə seminara maraq göstərən və fəal iştirak edən  iştirakçılara  minnətdarlıq bildirib.