2025-ci il dekabrın 9 - 12 - də Xəzər Universitetində Tələbə məclisinə prezident seçkisi keçirildi.

Neftçilər, Bakıxanov, Nərimanov və Nizami kampuslarında keçirilən seçkilərdə  universitet tələbələrinin 54%-i və 3 namizəd iştirak etdi. Təbiət elmləri və mühəndislik fakültəsinin Kimya və bialogiya müəllimliyi ixtisası üzrə 3-cü kurs tələbəsi Lalə İmanzadə səslərin 60%-ni yığaraq, seçkilərin qalibi oldu.

Dekabrın 26-da universitetinin Mərmər zalında yeni seçilmiş Tələbə Məclisi prezidentinin təqdimat mərasimi oldu. Humanitar, təhsil və sosial elmlər fakültəsinin dekanı Milana Abbasova

və Riyaziyyat departamentinin müdiri  Dr. Əli Hüseynli keçirilən prezident seçkisi barədə məlumat verdilər.

Rektor Dr. Raziyə İsayeva səlahiyyət müddəti başa çatmış Tələbə Məclisi prezidenti və vitse - prezidentinin fəaliyyətini yüksək qiymətləndirdi və onlara  təşəkkürünü bijdirdi, yeni seçilmiş prezidentə uğurlar arzuladı. Sonda yeni seçilmiş prezident Lalə İmanzadə öz gələcək fəaliyyət istiqamətləri və nəzərdə tutduğu tədbirlər barədə təqdimat etdi.