Bakı Dövlət Universiteti (BDU) Tarix fakültəsinin təşkilatçılığı ilə 2025-ci il dekabrın 25-26-da “Türk dünyası: ortaq tarixi-mədəni dəyərlər, müasir reallıqlar və gələcəyə baxış” mövzusunda II Beynəlxalq elmi konfrans keçirilib.

Konfransda Xəzər Universitetinin Tarix və arxeologiya departamentinin müəllimləri Dr. Yaqub Məmmədov “Tağlar mağarasında arxeoloji tədqiqatların bərpası: qarşıda duran vəzifələr və ilkin nəticələr”, Dr. Nurlan Nəsirov “Ortaçağ narrativ qaynaqlarında Moğol hakimiyyəti dövründə Azərbaycanda məskunlaşan türk tayfalarına dair məlumatlar”, Dr. Söhrab Mustafayev “8 Noyabr Zəfərinin Türkiyə qəzetlərində əks olunması”, Dr. Odər Əlizadə “Azərbaycan” qəzetində (1918–1920-ci illər) turan ideyasının poetik və siyasi ifadəsi”, Orxan Zamanov isə “Türk dövrü” maddi-mədəni irsinin arxeoloji tədqiqi problemi” mövzusunda məruzə ediblər.

Məruzələr maraqla qarşılanmış, verilən suallar ətraflı cavablandırılmışdır. Konfrans materiallarının nəşri nəzərdə tutulur.