2025-ci il  dekabrın 26-da “Sarı Gəlin” şadlıq sarayında Xəzər Universiteti kollektivinin yeni il münasibətilə bayram şənliyi keçirildi. Tədbiri aparıcılar – universitetin əməkdaşları Baba Bayramlı və Fəxrəndə Əfəndiyeva açandan sonra  kollektiv maraqlı kompozisiya ilə çıxış edərək, tədbirə xüsusi bayram ovqatı qatdı.

Rektor Dr. Raziyə İsayeva  universitetin keçdiyi şərəfli inkişaf yolundan, bu günü və gələcək planlarından bəhs edərək, məclis iştirakçılarını 31 Dekabr – Dünya Azərbaycanlılarının Həmrəyliyi Günü və Yeni il münasibətilə təbrik etdi, onlara uğurlar arzuladı.

Tədbir çərçivəsində təşkil olunan maraqlı viktorinalar, əyləncəli sual-cavablar və oyunlar iştirakçılar tərəfindən böyük maraqla qarşılandı.

Xəzər Universitetinin təsisçisi, Direktorlar və Qəyyumlar Şurasının sədri Prof. Akad. Hamlet İsaxanlı çıxış edərək, universitet kollektivini bayram münasibətilə təbrik etdi, onlara yeni ildə nailiyyətlər arzuladı.

Bayram tədbiri universitetin Kamera orkestrinin (bədii rəhbər – universitetin Musiqi və incəsənət departamentinin müdiri, əməkdar müəllim, pianoçu Zülfiyyə Sadıqova) və şadlıq sarayının musiqi qrupunun müşayiəti ilə keçirilfi.

Tədbirin sonunda Şaxta Baba tərəfindən paylanan hədiyyələr xüsusilə maraq doğurdu. Bayram şənliyi xoş əhval-ruhiyyə və unudulmaz təəssüratlarla başa çatdı.