2025-ci il dekabrın 19-da Təbiət elmləri, sənət və texnologiya yüksək təhsil fakültəsi və Həyat elmləri departamentinin təşkilatçılığı ilə doktorant Nərmin Axundovanın “MikroRNA-675 əzələ iltihab reaksiyasını necə artırır? Sistematik yanaşma ilə əzələ iltihab prosesinin öyrənilməsi” adlı seminarı keçirilmişdir.

Məruzəçi “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində Azərbaycan Respublikası Elm və Təhsil Nazirliyi və Xəzər Universiteti ilə üçtərəfli müqavilə əsasında Böyük Britaniya və Şimali İrlandiya Birləşmiş Krallığının Imperial College London Universitetində “Molekulyar biologiya” ixtisası üzrə doktorantura təhsili alır.

Seminarda Həyat elmləri departamentinin tələbə və müəllim heyəti iştirak etmişdir. Onlar suallarını səsləndirərək, mövzu ətrafında maraqlı fikir mübadiləsi aparıblar.