Xəzər Universitetinin Hasvet Baytarlıq Təbabəti Fakültəsinin dekan vəzifəsini icra edən, veterinar həkim Çiçək Əliyeva tərəfindən 2025-ci il  dekabrın 19-da “Quduzluq: virusun yayılma dinamikası, genetik xüsusiyyətləri və nəzarət strategiyaları” mövzusunda elmi seminar keçirilib.

Seminarda universitetin professor-müəllim heyəti, tədqiqatçılar və tələbələr iştirak ediblər.

Çiçək Əliyeva virusun yayılması və qarşısının alınması barədə ətraflı məlumat verib, quduzluğun heyvan və insan sağlamlığı üçün yaratdığı təhlükələri, eləcə də profilaktik tədbirlərin vacibliyini xüsusi vurğulayıb.  Apardığı elmi tədqiqatın nəticələrindən nümunələr təqdim edib, həmçinin peşəkar fəaliyyəti dövründə qarşılaşdığı real həyat təcrübələrini iştirakçılarla bölüşüb. Bu yanaşma mövzunun praktik əhəmiyyətinin daha aydın şəkildə çatdırılmasına imkan yaradıb. Təqdim olunan mövzu iştirakçılar tərəfindən maraqla qarşılanıb və fəal müzakirələrə səbəb olub.