2025-ci il  dekabrın 16-da Bakı Ali Neft Məktəbində “Rəqəmsal transformasiyaların müasir kitabxanaların inkişafında rolu” mövzusunda seminar təşkil olunub. Seminarın məqsədi ali təhsil müəssisələrinin kitabxanalarında rəqəmsal transformasiyaların tətbiqi, elmi məlumatların idarə olunması və müasir kitabxana modelləri üzrə təcrübə mübadiləsinin aparılması olub.

Tədbirdə bir sıra ali məktəblərin kitabxanalarının direktorları  çıxış edərək, rəhbərlik etdikləri qurumların təcrübələrini bölüşüblər. Seminara, həmçinin, Türkiyə və Azərbaycanın bəzi universitetlərinin əməkdaşları  onlayn formatda qatılıblar.

Seminarda Xəzər Universitetinin Kitabxana - İnformasiya Mərkəzinin direktoru Aytac Misgərli “Elmi məlumatların idarə edilməsi üçün istifadə olunan platformalar” mövzusunda çıxış edərək, rəqəmsal mühitdə elmi məlumatların səmərəli idarə olunması, açıq elm təşəbbüsləri və müasir platformaların imkanları barədə ətraflı məlumat verib. 

Seminarda ali məktəb kitabxanalarının işinin təkmilləşdirilməsi  ilə əlaqədar təkliflər müzakirə olunub.