2025-cü il dekabrın 18-də Siyasi elmlər və fəlsəfə departamentinin müdiri Dos. Orxan Vəliyev Beynəlxalq Münasibətlərin Təhlili Mərkəzinin (BMTM) təşkilatçılığı ilə keçirilən Prezident İlham Əliyevin AMEA-da səsləndirdiyi tezislərlə bağlı dəyirmi masada iştirak etmişdir.

Xarici siyasət və beynəlxalq münasibətlərin araşdırılması, xarici və yerli alimlərin əməkdaşlığı yolunda meydana çıxan problemlər və onların həll yollarına həsr olunan dəyirmi masa müzakirələrində Milli Məclisin üzvləri, beyin mərkəzləri və universitetlərin nümayəndələri iştirak ediblər.

Dəyirmi masada elmi araşdırmalar sahəsində mövcud institusional boşluqlar, xarici elmi institutlar və alimlərlə əməkdaşlığa mane olan amillər, innovativ yanaşmaların tətbiqi ilə bağlı çətinliklər, habelə sözügedən sahə üzrə praktiki və texniki məsələlər müzakirə edilib.

Link: https://aircenter.az/az/post/prezident-ilham-eliyevin-amea-da-seslendirdiyi-tezislerle-bagli-deyirmi-masa-teskil-edilib-1983