2025-ci il dekabrın 16-da Xəzər Universiteti Tarix və Arxeologiya Departamentinin müdiri Dos. Telman Nüsrətoğlu AzTV və ARB 24 kanallarının efirində yayımlanan “Hədəf” və “Gündəm” proqramlarında beynəlxalq gündəmlə bağlı geniş analizlər aparıb.

AzTV-nin “Hədəf” proqramında çıxış edən Dos. Telman Nüsrətoğlu Ukrayna–Rusiya müharibəsi ilə bağlı Berlində keçirilən danışıqları dəyərləndirib. Departament müdiri bildirib ki, bu proses Avropa İttifaqının geosiyasi zəifliyini üzə çıxarır və Aİ-nin təhlükəsizlikdə ABŞ-dan, enerji sahəsində isə xarici mənbələrdən asılı olduğunu göstərir. Dos. Nüsrətoğlu vurğulayıb ki, Avropa danışıqlar masasında yer alsa da, əsas qərarverici tərəf deyil. O, eyni zamanda təhlükəsizlik və müdafiə sənayesi sahəsində Avropanın Türkiyə ilə əməkdaşlığa ehtiyac duyduğunu, lakin buna baxmayaraq Ankaraya qarşı viza sərbəstliyi və Gömrük Birliyi məsələlərində konstruktiv mövqe nümayiş etdirmədiyini də qeyd edib.

“Hədəf” proqramının buraxılışını aşağıdakı linkdən izləmək mümkündür:

https://m.youtube.com/watch?v=LjcSaUW3mwM&fbclid=IwVERDUAOudolleHRuA2FlbQIxMABzcnRjBmFwcF9pZAwzNTA2ODU1MzE3MjgAAR6Z8AszUUpGQe32CAHfRloT-AOgx02V2mpfN02mHfG_Hnyqq9j1gpuehziC4g_aem_CQtNd42sD7emF_Vwy8tvJw