2025-ci il dekabrın 16-da Çin Sosial Elmlər Akademiyasının (Chinese Academy of Social Sciences – CASS) nümayəndə heyəti ilə Xəzər Universiteti arasında görüş keçirilib. Görüşün əsas məqsədi iki qurum arasında potensial akademik tərəfdaşlıq imkanlarının, o cümlədən birgə tədqiqat layihələri, akademik mübadilə proqramları və mümkün qrant əməkdaşlığının müzakirə edilməsi olub.

Çin Sosial Elmlər Akademiyasını görüşdə Milli Çin Modernləşməsi Akademiyasının (National Academy of Chinese Modernization) baş direktoru və baş elmi işçisi Dr. Zhang Guanzi, Partiya Rəhbərliyi və Dövlət İdarəçiliyi Departamentinin direktoru və baş elmi işçisi Dr. Han Keqing, dosent-tədqiqatçısı (Associate Research Fellow) Dr. Feng Xiying, kiçik elmi işçiləri (Assistant Research Fellow) Dr. Zhang Shuwan, Dr. Zhang Wenjun və Dr. Zhu Tao  təmsil ediblər.
Xəzər Universitetinin akademik fəaliyyəti və beynəlxalq əməkdaşlığı barədə təqdimat nümayiş etdirilib. Sonra Xəzər Universitetinin rektoru Dr. Raziyə İsyaeva və fakültə rəhbərləri Çin tərəfinin nümayəndələri ilə qarşılıqlı maraq doğuran əməkdaşlıq istiqamətləri ətrafında geniş fikir mübadiləsi aparıblar.

Səmimi və konstruktiv müzakirələrlə keçən görüş xatirə şəklinin çəkilməsi ilə başa çatıb.