Amerika Birləşmiş Ştatlarının Azərbaycandakı səfirliyinin nümayəndələri siyasi müşavir Kelli Vud və mütəxəssis Kənan Mustafayev 2025-ci il dekabrın 12-də Xəzər Universitetinin Siyasi elmlər və fəlsəfə departamentində olublar. Qonaqları departament müdiri Dos.o Orxan Vəliyev, baş müəllim Guljan Kulakhmed, Dr. Rail Səfiyev və assistent Firuzə İsmayılova qarşılayıblar.

Görüş zamanı ABŞ səfirliyi ilə Siyasi elmlər və fəlsəfə departamenti arasında əməkdaşlıq imkanları müzakirə olunub. Həmçinin, hazırkı ABŞ - Azərbaycan münasibətləri və 8 avqust Vaşinqton bəyannaməsinin regiona təsiri müzakirə mövzuları sırasında olub.

Görüşün sonunda qonaqlara Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlının “Xəzərin Sorağında” və “Mənim Qarabağım və ya Qarabağ düyünü” kitabları hədiyyə edilib, xatirə şəkli çəkdirilib.