Xəzər Universitetinin Humanitar, təhsil və sosial elmlər fakültəsinin Tarix müəllimliyi ixtisası üzrə təhsil alan I kurs tələbələri Tarix və arxeologiya departamentinin müəllimi Dr. Yaqub Məmmədovun rəhbərliyi ilə 2025-ci il dekabrın 10-da Azərbaycan Milli İncəsənət Muzeyində olublar.

Ölkənin aparıcı mədəniyyət ocaqlarından biri olan bu muzeydə Azərbaycan incəsənətinin müxtəlif dövrlərinə aid rəngkarlıq, qrafika, heykəltəraşlıq və dekorativ-tətbiqi sənət nümunələri, həmçinin Qərbi Avropa, Rusiya və Şərq ölkələrinin incəsənətinə dair 18 mindən çox eksponat mühafizə olunur.

Muzeyin bələdçisi Sevil Əliyeva tələbələrə muzeyin yerləşdiyi binanın, muzeyin yaranma tarixi, eləcə də Azərbaycan və dünya incəsənəti nümunələri - keramika, xalçaçılıq, bədii tikmə, zərgərlik, rəsm əsərləri və digər sənət nümunələri haqqında ətraflı məlumat vermişdir. Tələbələrin  sualları cavablandırılmışdır.

Qeyd etmək lazımdır ki, muzeylərlə tanışlıq tələbələrin nəzəri biliklərinin möhkəmləndirilməsinə xidmət edir və bu cür tədbirlər mütəmadi olaraq təşkil olunur.