Azercosmos, İsrail Aerokosmik Sənayesi, İnnovasiya və Rəqəmsal İnkişaf Agentliyi və Sabah.hub-un birgə təşkilatçılığı ilə 2025-ci il dekabrın 6-7-də “Milli Kosmik Hakaton” keçirildi.

Yarışın birinci mərhələsində 150 komanda iştirak edib. Xəzər Universitetinin Təniət elmləri və mühəndislik fakültəsinin III kurs tələbəsi (kompüter elmləri ixtisası) Vidadi Cavadovun komandası 15 finalçı arasında yer alaraq, son mərhələdə iştirak hüququ qazanıb.

48 saat davam edən hakaton çərçivəsində komandalar öz layihələrini hazırlayıb təqdim ediblər. Qiymətləndirmə ideya, komanda bacarıqları və layihənin hazırlanma səviyyəsinə əsaslanıb.

Nəticədə ən yaxşı 10 komanda 7 həftəlik inkubasiya proqramına qəbul edilib. Vidadi Cavadovun komandası bütün mərhələləri uğurla keçərək, İsrail Aerokosmik Sənayesinin “Vistar” Akselerasiya Proqramına müsabiqəsiz qəbul olunub.

Təqdim edilən layihə:
“SatWater” - Peykdən əldə olunan məlumatlar əsasında böyük əkin sahələrində torpağın nəmliyi və digər göstəricilərə uyğun avtomatik və dəqiq suvarma sistemi qurulmasını nəzərdə tutur.

Növbəti mərhələ:
7 həftəlik inkubasiya proqram ilə yanaşı, Xəzər Universitetinin İnnovasiya Mərkəzinin dəstəyi ilə layihə daha da inkişaf etdiriləcək və sonda potensial investorlara təqdim olunacaq.

Vidadi Cavadova və onun komanda yoldaşları Mirməhəmməd Mənsimov (Dövlət Gömrük Akademiyası) və Səidə Daşdəmirovaya (Milli Aviasiya Akademiyası) növbəti mərhələlərdə uğurlar arzulayırıq.