2025-ci il dekabrın 3-də Türkiyənin Birlik Vəqfinin təşəbbüsü ilə Aksaray Elm Mərkəzində “Azərbaycan -Türkiyə qardaşlığının tarixi dərinliyi” adlı genişmiqyaslı konfrans təşkil olunub. Tədbirdə Xəzər Universiteti Tarix və arxeologiya departamentinin müdiri Dos. Telman Nüsrətoğlu məruzə edib.

Konfransa bölgənin tanınmış elm adamları, ziyalıları və ictimaiyyət nümayəndələri qatılıb. Tədbir çərçivəsində Türk dünyasının aktuallığı, Azərbaycan - Türkiyə münasibətlərinin strateji tərəfdaşlıq səviyyəsindən daha da yüksək mərhələyə yüksəldilməsinin yolları müzakirə olunub.

Dos. Telman Nüsrətoğlu çıxışında Azərbaycan - Türkiyə qardaşlığının tarixi köklərini, ortaq mədəni irsi və iki ölkə arasında əsrlər boyunca formalaşmış həmrəylik ənənələrini diqqətə çatdırıb. Departament müdiri tədbir iştirakçıları ilə Türk dünyasının birliyinin gücləndirilməsi istiqamətində  elmi və institusional əməkdaşlıq imkanları barədə də fikir mübadiləsi aparıb.