2025-ci il dekabrın 1-də Xəzər Universitetində Ukrayna Respublikasının Azərbaycandakı səfirliyinin dəstəyi ilə Ukrayna güşəsinin  açılışı olmuşdur. Tədbirdə universitetin rəhbərliyi və əməkdaşları, Ukraynanın Azərbaycandakı Fövqəladə və səlahiyyətli səfiri Yuriy Husyev və səfirliyin işçiləri iştirak etmişlər.

Tədbir səfir Husyevin nitqi ilə başlamış, o, Ukrayna - Azərbaycan münasibətlərində əməkdaşlığın vacibliyini, iki ölkənin universitetləri arasında təhsil, elmi və mədəni mübadilələrin daha da gücləndirilməsinin zəruriliyini qeyd etmişdir.

Xəzər Universitetinin tədris işləri üzrə prorektoru Prof. Məhəmməd Nuriyev çıxış edərək, Ukrayna və Azərbaycan dilləri arasındakı linqvistik əlaqələrdən, həmçinin elm və təhsil sahəsində qarşılıqlı faydalı əməkdaşlıq perspektivlərindən danışmış, bu cür təşəbbüslərin iki ölkə gəncləri arasında daha sıx əlaqələrin qurulmasına yardım edəcəyini vurğulamışdır.

Sonda   universitet rəhbərliyi guşənin təşkilinə görə Ukrayna səfirinə təşəkkürünü bildirmişdir. Qeyd olunmuşdur ki, bu güşə Xəzər Universitetində Ukrayna dili və mədəniyyətinin tanıdılması, həmçinin Azərbaycan - Ukrayna universitetlərarası əlaqələrinin genişləndirilməsi üçün mühüm addımdır.