2025 - ci il dekabrın 4-də Xəzər Universitetində “Narkomaniyaya və erkən evliliyə yox deyək!” adlı tədbir keçirildi. Tədbirdə Bakının Nizami Rayon Polis İdarəsinin rəisi və idarənin çoxsaylı əməkdaşları iştirak etdilər. Tədbirdən əvvəl Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı Nizami Rayon Polis İdarəsinin rəisi, polis polkovniki Ziya Əliyevi və polis əməkdaşlarını  qəbul etdi.

Tədbir şəhidlərin xatirəsinin yad edilməsi və Dövlət himninin ifası ilə başladı.

Tədbirin aparıcısı çıxış üçün sözü Nizami Rayon Polis İdarəsinin rəisi, polis polkovniki Ziya Əliyevə verdi. Z. Əliyev Nizami rayonu və bütövlükdə respublikada narkomaniyaya qarşı aparılan mübarizədən danışdı.  Sonra polis idarəsinin əməkdaşı, polis mayoru Elvin Əliyev, Veteranlar Şurasının sədr müavini Firdovsi Bayramov, polis leytenantı Sura Yusifova və digərləri çıxış etdilər.

Polis idarəsinin əməkdaşları tərəfindən tələbələrin sualları cavablandırıldı.

Sonda İctimai Əlaqələr və Media üzrə direktor Əlövsət Əmirbəyli universitet rəhbərliyi və tələbələri adından polis idarəsinin rəisinə və əməkdaşlarına təşəkkürünü bildirdi.