2025-ci il dekabrın 3-də Xəzər Universiteti Psixologiya departamentinin əməkdaşı və Xəzər Psixoloji Xidmət Mərkəzinin psixoloqu Mirsadiq Muxtarov BAKU TV-nin canlı efirində qonaq olmuşdur. Canlı yayımın əsas mövzusu gənc və yeniyetmələrə qorxu evlərinin psixoloji təsirləri olmuşdur.

Çıxış zamanı Mirsadiq Muxtarov vurğulamışdır ki, qorxu evləri əyləncə formatında təqdim edilsə də,  yeniyetmələrdə real qorxu ilə stimullaşdırılmış həyəcanı ayırd etmək bəzən çətin ola bilər. O qeyd etmişdir ki, bu cür intensiv duyğu yüklənməsi bəzi uşaqlarda və gənclərdə kəskin qorxu reaksiyalarına, yuxu pozuntularına, hətta travmatik təcrübələrin formalaşmasına gətirib çıxara bilər. O vurğulamışdır ki, valideyn müşayiətinin və məlumatlandırmanın olmaması qorxu təcrübəsinin daha da güclənməsinə səbəb ola bilər.

Canlı yayımın tam versiyası aşağıdakı linkə keçid edərək 1 saat 12-ci dəqiqədən etibarən izləyə bilərsiniz:

https://www.youtube.com/live/h5gSgEQw59c?si=8QbuUduhX1oGdcZo