2025-ci il noyabrın 25-də Xəzər Universitetində “Korpus dilçiliyi süni intellekt problemləri kontekstində” mövzusuna həsr olunmuş elmi seminar keçirilib.

Tədbir Humanitar, təhsil və sosial elmlər fakültəsinin dekanı, Dr.. Milana Abbasova tədbiri açaraq, çıxışında bu sahənin aktuallığını vurğulayıb, korpus dilçiliyinin həm elmi, həm tətbiqi baxımdan Azərbaycan dilçiliyinə yeni istiqamətlər açdığını qeyd edib.

Xəzər Universitetinin təsisçisi, Direktorlar və qəyyumlar şurasının sədri Prof.Akad. Hamlet İsaxanlı universitetdə müasir dil texnologiyaları və yeni nəsil tədqiqat metodlarının təşviqinə xüsusi önəm verildiyini bildirib. Professor dilin inkişafı, süni intellektin elmə təsiri və dil resurslarının formalaşdırılmasının strateji əhəmiyyətindən bəhs edib.

Seminarın əsas məruzəçisi olan AMEA Dilçilik İnstitutunun Kompüter dilçiliyi şöbəsinin müdiri Prof. Məsud Mahmudov korpus dilçiliyinin nəzəri əsasları, müasir beynəlxalq təcrübələr, Azərbaycan dili üçün elektron resursların yaradılmasının zəruriliyi və süni intellekt modellərinin korpuslara olan tələbləri barədə geniş məlumat verib. O, həmçinin korpusların dilin real istifadəsini əks etdirməsi baxımından əvəzsiz material olduğunu, süni intellekt sistemlərinin dəqiqliyində etibarlı mətn bazası və düzgün strukturlaşdırılmış linqvistik məlumatın mühüm rol oynadığını vurğulayıb.

Alimin məruzəsindən sonra seminar dəyirmi masa formatında, çay süfrəsi ətrafında interaktiv müzakirə şəklində davam edib. Müzakirələrdə Xəzər Universitetinin Dillər və ədəbiyyatlar departamentinin müdiri Dos. Dilbər Zeynalova, departamentin dilçilik üzrə bir sıra əməkdaşı, AMEA Dilçilik İnstitutunun Kompüter dilçiliyi şöbəsinin əməkdaşlarından Dos. Könül Həbibova, Maya Heydərova, Natavan Rəhmanova, həmçinin Azərbaycan Dillər Universitetinin Beynəlxalq əlaqələr şöbəsinin müdiri, Dos. Jalə Qəribova iştirak ediblər.

Sonda iştirakçılar korpus dilçiliyinin Azərbaycandakı inkişaf perspektivləri, bu sahədə institusional həmkarlığın gücləndirilməsi və dil texnologiyalarının daha geniş tətbiqi ilə bağlı