2025-ci il noyabrın 25-də Xəzər Universiteti Psixologiya Departamentinin əməkdaşı və Xəzər Psixoloji Xidmət Mərkəzinin psixoloqu Mirsadiq Muxtarov “İnformator.az” xəbər saytına müsahibə vermişdir. Psixoloq insan davranışında aqressiyanın formaları, səbəbləri və onun sosial-psixoloji təsirləri haqqında ətraflı məlumat vermişdir.

O bildirib ki, aqressiya yalnız fiziki zorakılıq və ya yüksək tonla danışmaqdan ibarət deyil, eyni zamanda manipulyasiya, susqunluq, passiv müqavimət kimi dolayı davranış formalarında da özünü göstərə bilər. Mirsadiq Muxtarov qeyd edib ki, aqressiyanın yaranmasında uzunmüddətli stress, emosional yüklənmə, nəzarət hissinin itməsi, hormonal və genetik faktorlar mühüm rol oynayır. Psixoloq vurğulayıb ki, zorakılığın normal qarşılandığı ailə mühiti, uşaqlıq travmaları və sosial şəbəkələrdə anonimlik aqressiyanın formalaşmasını və normallaşmasını sürətləndirir. O həmçinin bildirib ki, emosiyaların düzgün tanınması və ifadə olunmaması aqressiv davranışların artmasına səbəb olur və valideynlərin emosional tənzimləmə bacarıqları uşaqların davranış modelinə birbaşa təsir göstərir.

Müsahibənin tam versiyası aşağıdakı linkdə:

https://informator.az/news_43571.html