2025-ci il noyabrın 24-də Xəzər Universitetində Özbəkistanın Daşkənd Dövlət Nəqliyyat Universiteti və Türk Dövlətləri Beynəlxalq Universitetinin nümayəndə heyəti ilə görüş keçirilib.

Görüşdə Daşkənd Dövlət Nəqliyyat Universitetinin prorektoru və Türk Dövlətləri Beynəlxalq Universitetinin rektoru Prof. Dr. Baxodir Turayev, Daşkənd Dövlət Nəqliyyat Universitetinin Beynəlxalq Əməkdaşlıq Departamentinin baş mütəxəssisi Dos. Dr. Meryem Karlık və Özbək-Türk Texniki Əməkdaşlıq Mərkəzinin direktoru Dr. Melike Başbınar iştirak ediblər. Xəzər Universitetini isə universitetin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı, rektor Dr. Raziyə İsayeva, Tədris işləri üzrə prorektor Prof. Məhəmməd Nuriyev, fakültə dekanları və Beynəlxalq əlaqələr şöbəsinin əməkdaşları təmsil ediblər.

Görüşdə iki universitetlər arasında əməkdaşlıq imkanları, mübadilə proqramları və əlaqələrin gücləndirilməsi müzakirə olunmuş, növbəti addımlarla bağlı fikir mübadiləsi aparılmışdır. 

Rektoru Dr. Raziyə İsayeva Xəzər Universiteti haqqında təqdimatla çıxış edərək, qonaqlara universitetin tarixi, beynəlxalq əməkdaşlıqları və imkanları barədə geniş məlumat verib.

Xəzər Universiteti və Özbəkistanın Daşkənd Dövlət Nəqliyyat Universiteti və Türk Dövlətləri Beynəlxalq Universiteti arasında Anlaşma memorandumu imzalanıb.

Görüşün sonunda hədiyyələr təqdim olunub və xatirə şəkilləri çəkilib.