2025-ci il noyabrın 22-də Bakıdakı “Şirvanşah” muzey restoranında Xəzər Universitetinin professoru, politoloq Ramiz Yunusun təşkilatçılığı ilə Əməkdar incəsənət xadimi, tanınmış bəstəkar, Xəzər Universitetinin professoru Cavanşir Quliyevin 75 illiyi qeyd olunub.

Tədbirdə Azərbaycanın Xalq artistləri Fərhad Bədəlbəyli, Ramiz Həsənoğlu, Xalq şairi Ramiz Rövşən, Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı, Akad. Rafiq Əliyev, Azərbaycan Musiqi Akademiyasının professoru Tariyel Məmmədov,  Ramiz Yunus, politoloq Eldar Namazov  və Xəzər Universitetinin İctimai Əlaqələr və Media üzrə direktoru Əlövsət Əmirbəyli iştirak ediblər.

Çıxış edənlər görkəmli bəstəkar və pedaqoq Cavanşir Quliyevin çoxşaxəli fəaliyyətindən bəhs etmiş, ona cansağlığı, uzun ömür və yaradıcılıq uğurları arzulamışlar.

Sonda Cavanşir Quliyev yubiley tədbirinin təşkilinə və fəaliyyətinin yüksək dəyərləndirildiyinə görə  təşəkkürünü bildirmişdir.