DIRNA layihəsi çərçivəsində tərəfdaş universitetlərin iştirakı ilə növbəti onlayn görüş 2025-ci il noyabrın 24-də təşkil olunub. Görüş Xəzər Universitetinin Kitabxana-İnformasiya Mərkəzinin direktoru Aytac Misgərlinin moderatorluğu ilə baş tutub və layihənin 4-cü iş zərfinə uyğun olaraq D4.5 - “Tədqiqat Fəaliyyətləri üzrə Daimi Seminarlar” adlı tapşırıq çərçivəsində həyata keçirilib.

Tədbirdə Jyvaskyla Universitetinin  (Finlandiya) nümayəndəsi Saana Mehtälä “İnklüziv təhsildə məlumatların idarə edilməsi, açıq elmi resurslar və tədqiqatların əlçatanlığı” mövzusunda təqdimatla çıxış edib. O, Jyvaskyla Universitetinin rəqəmsal platforması olan JYX sistemi haqqında məlumat verərək, verilənlərin və metaməlumatların təmin olunması prosesini ətraflı şəkildə nəzərə çatdırıb. Sonra Converis tədqiqat məlumat sistemi (CRIS) barədə danışaraq, sistemin tədqiqatçıların elmi fəaliyyətinin görünməsinə, əlçatanlığının artırılmasına və təsirinin genişlənməsinə verdiyi dəstəyi iştirakçılara izah edib.

İştirakçıların böyük maraq göstərdiyi görüş  sual-cavab müzakirələri ilə yekunlaşıb.