2025-ci il noyabrın 21-də Xəzər Universitetində Bar-İlan Universiteti (İsrail) və Governors Dövlət Universitetindən (ABŞ) gələn nümayəndələrlə görüş keçirildi.

Görüşdə Bar-İlan Universiteti Strateji Liderlik İnstitutunun direktoru Dr. Smirnov və Governors Dövlət Universitetinin dosenti, Fulbrayt məzunu Dr. Nataliya Rekhter iştirak etmişdir. Dr. Rekhter Fulbrayt Alim qrantı çərçivəsində Xəzər Universitetində fəaliyyət göstərərək, səhiyyə iqtisadiyyatı və idarəetməsi sahəsində dərslər keçmiş, həmçinin yeni magistr proqramlarının hazırlanmasına yardım göstörmişdir.

Görüşdə Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı, Tədris işləri üzrə prorektor Prof. Məhəmməd Nuriyev, fakültə dekanları və departament müdirləri, Beynəlxalq əlaqələr şöbəsinin əməkdaşları iştirak etmişdir.

Tədbir çərçivəsində Təbiət elmləri, sənət və texnologiya  yüksək təhsil fakültəsinin dekanı Günel Bahəddinova tərəfindən Xəzər Universiteti haqqında təqdimat nümayiş etdirilmiş, Xəzər Universiteti ilə Bar-İlan Universiteti arasında akademik əməkdaşlıq, birgə layihələr və digər  əlaqələrin inkişaf etdirilməsi imkanları müzakirə olunmuşdur.