Xəzər Universitet Psixoloqgiya epartamentinin koordinatoru Mələk Kərimova 2025-ci il noyabrın 18-də tehsil365.news saytına verdiyi müsahibədə müasir texnologiya və sosial medianın gənclərin emosional dayanıqlılığına və diqqətinə təsirindən danışıb.

Psixoloq bildirib ki, sosial medianın intensiv istifadəsi - xüsusilə davamlı xəbər axını, Instagram və TikTok reels-ləri, bildirişlər və sosial müqayisə gənclərin beynini daimi stimullaşdırır, bu da həm emosional yüklənməni artırır, həm də diqqətin tez dağılmasına səbəb olur. Bu amillər özünəqiymətin azalması, stresə qarşı həssaslığın artması və emosional tükənmə riskini yüksəldir.

Mələk Kərimovanın sözlərinə görə, uzunmüddətli rəqəmsal stimul beyni real həyatın sakit ritminə uyğunlaşmaqda çətinləşdirir və emosiyaların tənzimlənməsini zəiflədir. Gənclərin stres zamanı sosial mediaya yönəlməsi isə problemi həll etmir, sadəcə qısamüddətli diqqət yayındırması yaradır.

Psixoloq balanslı texnologiya istifadəsinin, rəqəmsal pəhrizin və emosional özünütənzimləmə bacarıqlarının gücləndirilməsinin vacibliyini vurğulayıb. O, gənclərə sosial şəbəkələrdən şəxsi inkişaf məqsədilə istifadə etməyi və həm fiziki, həm də psixi sağlamlıqlarına vaxt ayırmağı tövsiyə edib.

https://tehsil365.news/az/news/46821/