Xəzər Universiteti Psixologiya departamentinin müəllimi və Azərbaycan Respublikası Ədliyyə Nazirliyi Penitensiar Xidmətin baş inspektoru Gülşən Əliyeva European Scientific Institute (ESI- Avropa Elmi İnstitutu) tərəfindən təşkil edilən Doktoranturadan sonrakı proqrama (Postdoctoral program) başlamışdır.

Proqram 2025-ci il oktyabr və 2026-cı il noyabr aylarını əhatə edir və üç hissədən ibarətdir. Proqram fəaliyyəti zamanı seçilmiş tədqiqat mövzusunun araşdırılması, qruplarla görüş, akademik dərslərdə iştirak, universitetlərdən birində 10 günlük tədqiqat səfəri nəzərdə tutulmuşdur. Qeyd etmək lazımdır ki, ESI tərəfindən təşkil edilən bu proqram hüquq, təhsil, sosiologiya, psixologiya və siyasi elmləri əhatə etməklə 8 ölkənin 10 universiteti ilə qarşılıqlı əməkdaşlıq həyata keçirir.

Gülşən Əliyevanın tədqiqat mövzusu “Universitet müəllimlərinin peşəkarlığının tələbələrinin yanaşmaları əsasında öyrənilməsi”nə (Competence of university teachers: Students’ review analysis) həsr edilmişdir. Tədqiqat üçün elmi məsləhətçi bu sahədə uzun illər geniş təcrübələri olan və bir sıra tədqiqatların müəllifi Budapeşt Metropolitan Universiteti Təhsil departamentinin professoru Dr.Vilmos Vass seçilmişdir.

Proqram haqqında geniş məlumat aşağıdakı linkdə:

https://euinstitute.net/postdoc/esi-fellows/#fellows