Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı 2025-ci il noyabrın 20-də Azərbaycan Memarlıq və İnşaat Universitetində (AzMİU) “Müasir İpək Yolu üzərində türk dövlətlərinin sosial-mədəni inteqrasiya prosesləri: çağırışlar və perspektivlər” mövzusunda keçirilmiş beynəlxalq elmi konfransda iştirak edib.

Tədbir AzMİU, AMEA Fəlsəfə və Sosiologiya İnstitutu və “Ingla International Education Training Center” tərəfindən birgə təşkil olunub.

Açılış mərasimində AzMİU-nun rektoru Prof. Gülçöhrə Məmmədova, AMEA Fəlsəfə və Sosiologiya İnstitutunun direktoru Prof. İlham Məmmədzadə, Z.Bünyadov adına Şərqşünaslıq İnstitutunun baş direktoru Akad. Gövhər Baxşəliyeva, Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı və Kokand Universitetinin elmi işlər üzrə prorektoru Prof. Zebohan Kobilova çıxış ediblər.

Konfransda müasir İpək Yolunun Türk dövlətləri arasında sosial-mədəni inteqrasiya proseslərinin güclənməsində oynadığı rol, regional əməkdaşlığın genişləndirilməsi, elmi-humanitar əlaqələrin yeni mərhələyə keçidi və qarşıda duran strateji vəzifələr vurğulanıb.

Plenar iclas çərçivəsində bir sıra aktual mövzular üzrə elmi məruzələr təqdim olunub.

Konfrans bölmə iclaslarında işini davam etdirərək, başa çatmışdır.

Ölkə xəbər portalları konfrans haqqında xəbər yayımlayıb.

https://azertag.az/xeber/muasir_ipek_yolu_uzerinde_turk_dovletlerinin_sosial_medeni_inteqrasiya_prosesleri_chagirislar_ve_perspektivler___beynelxalq_elmi_konfrans-3871691