2025-cü il noyabrın 18-də Siyasi elmlər və fəlsəfə departamentinin müdiri Dos. Orxan Vəliyev Beynəlxalq Münasibətlərin Təhlili Mərkəzinin (BMTM) təşkilatçılığı ilə keçirilən Azərbaycan-ABŞ Beyin Mərkəzlərinin birinci forumunda iştirak etmişdir.

“Ortaq Baxışlar: Strateji Tərəfdaşlıq naminə Azərbaycan-ABŞ dialoqu” mövzusuna həsr edilən Azərbaycan-ABŞ Beyin Mərkəzlərinin birinci forumunda hökumət nümayəndələri, yerli beyin mərkəzləri ilə yanaşı, ABŞ-ın Atlantic Council, New Lines Institute, Hudson Institute, Central Asia-Caucasus Institute (Mərkəzi Asiya-Qafqaz İnstitutu) kimi beyin mərkəzləri və “The National Interest” jurnalından nümayəndələr iştirak edib. 

Açılış nitqi ilə çıxış edən BMTM-in İdarə Heyətinin sədri Fərid Şəfiyev 8 avqust Vaşinqton sammitinin bir sıra müsbət nəticələri haqda məlumat verib. ADA Universitetinin təsisçisi və rektoru  Hafiz Paşayev bildirib ki, ABŞ-n əsas beyin mərkəzləri ilə əməkdaşlıq Azərbaycanda diplomatiya təcrübəsinin təkmilləşdirilməsində  və Bakı ilə Vaşinqton arasında ikitərəfli əlaqələrin möhkəmləndirilməsində mühüm rol oynayacaq. 

Forum “Vaşinqton sammitinin qiymətləndirilməsi: ABŞ-Azərbaycan münasibətlərinə təsirləri”, “Vaşinqton sammitindən sonra Ermənistan-Azərbaycan sülh prosesi”, “Enerji təhlükəsizliyi və bağlantılar” mövzularına həsr edilmiş sessiyalarla öz işini davam etdirib.

Qeyd edək ki, forumda Azərbaycan universitetlərindən ADA, Bakı Dövlət Universiteti və Xəzər Universiteti təmsil olunub.

Link: BMTM-in təşkilatçılığı ilə Azərbaycan-ABŞ beyin mərkəzlərinin birinci forumu keçirilib