Ədəbiyyat üzrə Beynəlxalq Yesenin mükafatı  – “О Русь, взмахни крылами” 2005-ci ildə Rusiya Yazıçılar Birliyi (Oбщероссийская общественная организация Союз писателей России), Mədəniyyətin inkişafı üzrə milli fond (Национальный фонд развития культуры) tərəfindən təsis edilib. Baş portnyor Rusiya Elmlər Akademiyasının A. M. Qorki adına Dünya Ədəbiyyatı İnstitutudur (Институт мировой литературы им. А. М. Горького РАН) və  «Осиянная Русь» jurnalıdır.

Mükafatın İcraiyyə Komitəsinin sədri Rusiya Yazıçılar Birliyinin burunci katibi şair Qennadiy İvanov, İcraiyyə komitəsinin həmsədri və Münsiflər heyətinin sədri Rusiya Yazıçılar Birliyinin Moskva Şəhər Təşkilatının Ali Yaradıcılıq Şurasının üzvü, tanınmış şair Dmitriy Darindir. Mükafat komitəsinə Rusiyanın ədəbiyyat və mədəniyyət sahəsində bur çox tanınmış şəxsiyyətlər daxildir.

İsaxan İsaxanlı 2025-ci ildə tərcümə nominasiyası üzrə  bu mükafatın qalibi olub. Xatırladaq ki, İsaxan İsaxanlı 2015-ci ildə də ədəbi tənqid (“Взыскующим взглядом”) nominasiyası üzrə  eyni mükafata layiq görülmüşdü.

Qaliblərə mükafat 24 oktyabr 2025-ci ildə  Moskvada Yesenin muzeyində təqdim olunub. Təəssüf ki, İsaxan İsaxanlı səhhəti ilə bağlı mükafatlandırma mərasimində iştirak edə bilməyib.