2025-ci il noyabrın 12-də Xəzər Universiteti Psixologiya Departamentinin əməkdaşı və Xəzər Psixoloji Xidmət Mərkəzinin psixoloqu Mirsadiq Muxtarov “İnformator.az” xəbər saytına müsahibə vermişdir. Psixoloq süni intellekt və texnoloji asılılığın müasir dövrdə insan psixologiyasına təsirlərindən danışmışdır.

O bildirib ki, süni intellekt son illərdə ən sürətlə inkişaf edən texnoloji sahələrdən biri olmaqla yanaşı, insanların düşünmə, öyrənmə və qərarvermə proseslərinə ciddi şəkildə təsir göstərir. Mirsadiq Muxtarov qeyd edib ki, dopamin mükafat sisteminin təsiri ilə texnoloji platformalardan və süni intellektlə ünsiyyətdən yaranan qısa müddətli məmnunluq asılılıq formalaşdıra bilər. Bu asılılıq insanların öz bacarıqlarına olan güvənini zəiflətməklə yanaşı, analitik düşünmə və müstəqil qərarvermə qabiliyyətlərini də azalda bilər. Psixoloq həmçinin vurğulayıb ki, “virtual mənlik”in formalaşması emosional sağlamlıq və real sosial münasibətlər üzərində mənfi nəticələrə səbəb ola bilər.

Psixoloq məktəblərdə və gənclər arasında rəqəmsal fərqindəliyin artırılmasının, texnologiyanın emosional təsirləri barədə maarifləndirmə işlərinin aparılmasının vacibliyini də qeyd edib.

Müsahibənin tam versiyası aşağıdakı linkdə:

https://informator.az/news_42085.html