Xəzər Universiteti, Özəl Tibb Müəssisələri Assosiasiyası (ÖTMA) və Amerika Ürək Assosiasiyası tərəfindən akkreditasiya olunmuş Medic School Təlim Mərkəzinin birgə təşkilatçılığı ilə  2025-ci il oktyabrın 30-da universitetdə ilkin tibbi yardım üzrə təlim keçirilmişdir. Təlimdə Xəzər Universiteti Həyat elmləri departamentinin müdiri Dr. Cəmalə Eldarova, departamentin dosenti Dr. Cavid Ocaqi, müəllimlər Gülafət Şəfiyeva və Nubar Manafova, Kimya və Biologiya ixtisasları üzrə təhsil alan 2-ci kurs tələbələri iştirak etmişdir.

Tədbir ÖTMA İdarə Heyətinin sədri Günel Əliyeva tərəfindən açıq elan edilmiş, təlim proqramı isə Medic School Təlim Mərkəzinin təlimçisi Dr. Coşqun Piriyev tərəfindən aparılmışdır. İştirakçılar ürək dayanması, boğulma, huş itirmə, qanaxma və yanıq,  fövqəladə vəziyyətlərdə davranış və ilkin müdaxilə üzrə bilik və praktiki bacarıqlar əldə ediblər.

Təlimin sonunda iştirakçılara sertifikat təqdim olunmuşdur.