Azərbaycan Milli Elmlər Akademiyasının Rəyasət Heyətinin növbəti iclasında elm sahəsində xüsusi xidmətləri olan bir sıra alimlər mükafatlandırılıb.

Mükafat alanlar arasında Xəzər Universiteti Dillər və ədəbiyyatlar departamentinin müəllimi, AMEA Folklor İnstitutunun direktoru, filologiya elmləri doktoru, dosent Hikmət Quliyev də yer alıb. Dos. Hikmət Quliyev AMEA-nın 80 illik yubileyi münasibətilə təsis edilmiş “AMEA-nın Döş Nişanı” ilə təltif olunub.

Xəzər Universiteti kollektivi dəyərli həmkarımızı bu  mükafat münasibətilə təbrik edir, ona elmi və pedaqoji fəaliyyətində yeni uğurlar arzulayır.