2025-ci il noyabrın 8-də Siyasi elmlər və fəlsəfə departamentinin müdiri Dos. Orxan Vəliyevin tarixi Qarabağ zəfəri ilə bağlı 2 məqaləsi türk mətbuatında dərc olunub.

Daily Sabah qəzetində yayımlanan “Marking 5 years since Karabakh victory: Turkic resurgence in focus” (Qarabağ zəfərinin 5 ilinin qeyd olunması: Türkün dirçəlişi diqqət mərkəzində) adlı məqalədə Orxan Vəliyev 44 günlük Vətən müharibəsinin Türk dünyasının dirçəlişinə verdiyi töhfələrdən bəhs edib. O, Azərbaycanın qələbəsinin yalnız işğala son qoymadığını, həm də Azərbaycan və Türkiyə arasında “bir millət, iki dövlət” prinsipinə əsaslanan strateji tərəfdaşlığı möhkəmləndirdiyini vurğulayıb. Məqalədə, həmçinin Şuşa Bəyannaməsinin regionda sülhün və Türk Dövlətləri Təşkilatı çərçivəsində əməkdaşlığın gücləndirilməsində oynadığı rola diqqət çəkilib.

Anadolu Agentliyində dərc olunan “Savaşın ardından barışın inşası: Karabağ Zaferi’nin beş yıllık yansımaları” (Müharibədən sonra sülhün qurulması: Qarabağ Qələbəsinin beş ili) adlı analizində isə Dos. Vəliyev Qarabağ Zəfərinin ardından Azərbaycan və Ermənistan arasında sülh prosesinin inkişafını təhlil edib. O, Azərbaycanın “Böyük Qayıdış” strategiyası çərçivəsində işğaldan azad olunmuş ərazilərin bərpası və bölgədə dayanıqlı sülhün təmin olunması istiqamətində atdığı addımları qiymətləndirib. Məqalədə Türkiyənin artan regional təsiri, Şuşa Bəyannaməsinin əhəmiyyəti və Türk Dövlətləri Təşkilatının gələcək perspektivlərindən də bəhs olunub.

Məqalə sonradan Azərbaycan dilinə tərcümə edilərək ordu.az saytında da dərc edilmişdir.

Məqalələrə keçid: Marking 5 years since Karabakh victory: Turkic resurgence in focus | Opinion

Savaşın ardından barışın inşası: Karabağ Zaferi’nin beş yıllık yansımaları

Ordu.az saytına keçid: https://ordu.az/az/news/396363/muharibeden-sonra-sulhun-qurulmasi-qarabag-zeferinin-bes-illik-eks-sedalari?fbclid=IwY2xjawOBJ5hleHRuA2FlbQIxMQBicmlkETF5NzY4VG1jNjBvaVFyTjV1c3J0YwZhcHBfaWQBMAABHqenANt6hZuN2hv31FwyO2_9L6jtUFX7JsZMK4y0waLOQHMm1kHWW4EbQSse_aem_EH7_ften7NMhGqb_IerfMg