2025-ci il noyabrın 2-də Xəzər Universitetinin Siyasi elmlər və fəlsəfə departamentinin müdiri Dos. Orxan Vəliyev “TRT World” kanalına Türkiyənin Türk dünyasındakı strateji rolu haqqında müsahibə vermişdir. Qeyd edək ki, müsahibə Dos. Vəliyevin “Insight Turkey” jurnalında dərc olunmuş "Discussing the ‘New Türkiye’ in the Context of Strengthening the State"(“Dövlətin Gücləndirilməsi Kontekstində “Yeni Türkiyə”nin müzakirəsi”) adlı məqaləsi ilə bağlı olmuşdur. 

Müsahibə zamanı Dos. Vəliyev Prezident Rəcəb Tayyib Ərdoğanın TRT World Forum 2025-in açılış mərasimindəki çıxışına istinad edərək bildirib ki, artıq dövlətlər özlərini sərhədləri daxilində həbs edə bilməzlər və bu səbəbdən regional əməkdaşlıq qaçılmazdır. Bu kontekstdə o, Türk Dövlətləri Təşkilatının Türk dünyasının gələcəyi üçün həlledici rol oynayacağına inandığını vurğulayıb.

Keçid: https://x.com/TRTWorldNow/status/1984715565211271488