Xəzər Universitetində 2025-ci il oktyabrın 31-də Pekin Xarici Dillər Universitetinin nümayəndə heyəti ilə görüş keçirilib. Görüşdə Pekin Xarici Dillər Universitetinin prorektoru Prof. Zhao Gang, Asiya Fakültəsi və Afrika Fakültəsinin Partiya katibinin müavini və Asiya Fakültəsinin dekanı Dr. Su Yingying, Asiya fakültəsi Azərbaycan dili kafedrasının müdiri və Xəzər Universiteti Çin Tədqiqatlar Mərkəzinin təsisçi direktoru Dr. Aqşin Əliyev, Xəzər Universitetinin təsisçisi, Direktorlar və Qəyyumlar Şurasının sədri Prof. Akad. Hamlet İsaxanlı, Rektor Dr. Raziyə İsayeva, prorektorlar, fakültə dekanları və Beynəlxalq əlaqələr şöbəsinin müdiri iştirak ediblər.

Görüş zamanı universitetlərarası əməkdaşlığın gücləndirilməsi, tələbə mübadiləsi imkanlarının artırılması, eləcə də Çin dili və mədəniyyəti ilə bağlı tədbirlərin daha da genişləndirilməsi istiqamətində fikir mübadiləsi aparılıb. Tərəflər gələcəkdə bu sahələrdə birgə təşəbbüslərin həyata keçirilməsinin əhəmiyyətini vurğulayıblar.

Sonda hədiyyələr təqdim olunub və xatirə şəkilləri çəkilib.