Yurddan Kənarda Yaşayan Türklər və Əqraba Topluluqlar Başqanlığının dəstəyi və Xəzər Universitetinin Memarlıq və dizayn departamentinin təşkilatçılığı ilə “Dayanıqlı şəhər layihəsi” üzrə multidisiplinar məkan planlaşdırmanın 2-ci layihəsinin açılışı 2025-ci il oktyabrın 27-də Xəzər Universitetinin “Dünya” məktəbinin Laləli zalında baş tutmuşdur.

 Qeyd edək ki, 1-ci layihə 30.05.2025-03.06.2025 tarixlərində Xəzər Universitetinin Mərmər zalında keçirilmişdir.

Təlimin əsas məqsədi şəhərlərin dayanıqlı inkişafı, müasir planlaşdırma metodlarının öyrənilməsi və tələbələrin praktiki bilik və bacarıqlarının artırılmasıdır.

 Layihədə Xəzər Universitetinin Memarlıq və dizayn departamentinin Memarlıq və dizayn ixtisasının tələbələri, Azərbaycan Memarlıq və İnşaat Universitetinin (AzMİU) SABAH qrupları, Orta Doğu Texniki Universiteti (ODTÜ),  Ankara Universiteti, İstanbul Universiteti və Türkiyənin digər nüfuzlu ali təhsil müəssisələrinin tələbələri iştirak edirlər.

Tədbir Xəzər Universitetinin rəqs ansamblı və müəllimi aşıq Ramin Qarayevin  ifası ilə başlanmışdır.

 Sonra Türkiyənin Ufuk Planlama Şirkəti ve Kent Orman Yaşam Atelyesi qurucusu Dr. Nejla Kılınç, Xəzər Universitetinin rektoru Dr. Raziyə İsayeva, SABAH qruplarının İcra Komitəsinin rəhbəri Dos. Elza Səmədova, Xəzər Universitetinin Memarlıq və dizayn departamentinin müdiri Dos. Şəhla Abbasova çıxış etmişlər.

Dr. Nejla Kılınç layihədə iştirak edən tələbələri 5 komandaya ayırıb, tapşırıqlarını vermiş və tələbələrlə birlikdə layihə üçün ayrılmış Buzovna qəsəbəsindəki sahə ilə tanış olmuşlar.

Layihənin  məhsuldarlığını artırmaq məqsədilə təlimçi və mütəxəssislərin çıxışları mütəmadi şəkildə davam etdirilmişdir.

Dr. Nejla Kılınç, Prof. Dr. Halim Perçin, memar Kübra Ergül, eləcə də Xəzər Universitetinin Memarlıq və dizayn departamentinin müəllimləri  İlahə Təhməzli, Sevinc Həsənova və Fatma Ataşkaya çıxış etmişlər.

 Belə beynəlxalq və multidisiplinar layihələr tələbələrə şəhərsalma və davamlı inkişaf sahəsində daha geniş baxış bucağı və təcrübə qazanmaq imkanı yaradır.

Layihənin açılışı TRT Avaz TV tərəfindən  lentə alınmış və yayımlanmışdır.                               

https://x.com/trtbaku/status/1982802474445455752?t=Mrd_2yNm02CYqVGpdc1xDA&s=08