Xəzər Universitetinin Memarlıq və dizayn departamentinin təşkilatçılığı ilə 2025-ci il oktyabrın 24-də Maverick Agentliyinin İncəsənət direktoru Elçin Əskərov “Dizaynda balans tap!” adlı seminar keçirmişdir. Seminarda dizaynda balans anlayışının forma, rəng, kompozisiya və tipoqrafiya kimi elementlər arasında harmoniya vasitəsilə necə qurulduğu izah olunub. Bununla yanaşı, tələbəlik dövründə yaradıcılıqla karyera planlaması arasında balans tapmağın əhəmiyyəti vurğulanıb.

Seminarın  məqsədi həm də iştirakçılara peşəkar və şəxsi inkişaf arasında düzgün tarazlıq yaratmağın yollarını göstərmək idi. Seminar Memarlıq və dizayn departamentinin “Dizayn” ixtisası tələbələri üçün həm maraqlı, həm də maarifləndirici olub.