Xəzər Universitetində Karyera və Məzunlar Mərkəzinin təşkilatçılığı ilə 2025-ci il oktyabrın 28-də Azər Türk Bankın Prossesinq Mərkəzinin direktoru Namid Abdullovun təqdimatında “Gen Z: Rəqəmsal Düşüncənin Yeni Dövrü” mövzusunda seminar keçirilib.

Tədbirdə rəqəmsal texnologiyaların müasir nəsil üçün əhəmiyyəti, rəqəmsal transformasiya, gənclərin yeni trendlərə adaptasiyası və bank sektorunda rəqəmsallaşma istiqamətində aparılan yeniliklər haqqında ətraflı məlumat verilib.

Seminarda tələbələrlə yanaşı, universitet əməkdaşları və müəllimləri də iştirak edirdilər. Rəqəmsal düşüncə tərzinin formalaşmasında təhsil və texnologiyanın rolu, həmçinin bank xidmətlərində müasir texnoloji həllərin tətbiqi ilə bağlı maraqlı müzakirələr aparıldı.