Xəzər Universitetinin Kitabxana-İnformasiya Mərkəzinin (KİM) direktoru Aytac Misgərli Azərbaycan Dövlət İqtisad Universitetinin (UNEC) Kitabxana-İnformasiya Mərkəzinin təşkilatçılığı ilə 2025-ci il oktyabrın 22-də keçirilən “Təhsil sistemində kitabxanalararası tandem: Universitet və məktəb kitabxanalarının tərəfdaşlıq imkanları” adlı dəyirmi masada iştirak edib.

Beynəlxalq Məktəb Kitabxanaları Günü çərçivəsində təşkil olunan tədbirdə kitabxanaların mövcud vəziyyəti, qarşılaşdıqları çətinliklər, həmçinin universitet və məktəb kitabxanaları arasında əməkdaşlıq perspektivləri müzakirə olunub.

Aytac Misgərli dəyirmi masada “Universitet və məktəb kitabxanalarının əməkdaşlığı: Təhsilin inkişafına birgə töhfə” adlı məruzə ilə çıxış edib.