2025-ci il oktyabrın 21-də Xəzər Universitetinin İqtisadiyyat və menecment departamentinin nəzdində fəaliyyət göstərən “İqtisadçı” tələbə inkişaf klubunun təşkilatçılığı ilə iqtisadçı, maliyyə konsultantı və şəxsi inkişaf üzrə mütəxəssis Fərhad Pərvizi ilə görüş keçirilmişdir.  300-ə yaxın tələbənin iştirak etdiyi görüşdə Fərhad Pərvizi müasir dövrdə gəncləri qayğılandıran bir çox sosial, iqtisadi və mədəni məsələlər barədə çıxış etmişdir.  Görüşdə mikro səviyyədə yumşaq bacarıqlar, özünü tanıma, şəxsi brendinq, müasir biznes bacarıqları, şəxsi büdcənin idarə edilməsi, zamanın idarə edilməsi, ailə modellərinin iqtisadi analizi, şəxsi münasibətlərin idarə edilməsi, şəxsi uğur və inkişafın əsas prinsipləri, makro səviyyədə isə iqtisadiyyatın idarə edilməsi, resursların idarə edilməsi, milli iqtisadi modelin qurulması, milli dəyərlərin iqtisadi təsirləri, ictimai institutların fəaliyyət mexanizmi və s. mövzular ətrafında interaktiv müzakirələr aparılmışdır.

Görüş zamanı tələbələrin müxtəlif mövzular barədə sualları cavablandırılmış, həmçinin müxtəlif sosial-iqtisadi məsələlər barədə tələbələrin fikir və mülahizələri dinlənilmişdir.