Humanitar, təhsil və sosial elmlər fakültəsinin dekanı Dr. Milana Abbasova 2025-ci il oktyabrın 6-11-də Türkiyənin Bartın Universitetinə Erasmus+ proqramı çərçivəsində işgüzar səfər edib. Səfər çərçivəsində o, Bartın Universitetinin rektoru Prof. Ahmed Akkaya, Təhsil fakültəsinin dekanı Prof. Bilal Güneş, dekan müavini Dos. Emrullah Yılmaz, dekan müavini Dos. Ahmet İyirmibeş, İbtidai sinif müəllimliyi departamentinin müdiri Dos. Mustafa Kocaarslan, Xarici dil müəllimliyi departamentinin müdiri  Dos. Erdi Şimşek və İngilis dili hazırlıq departamentinin heyəti ilə silsilə görüşlərdə iştirak etmişdir.  

Görüşlərdə ikili diplom proqramı üzrə əməkdaşlıq imkanları, birgə akademik tədbirlərin təşkili və tədqiqat işlərinin aparılması, eləcə də dil tədrisi metodlarının mübadiləsi və tətbiqi ilə bağlı geniş müzakirələr aparılmışdır. Bundan əlavə, Milana Abbasova mühazirə ilə çıxış etmiş və müxtəlif dərsləri müşahidə etmişdir.