Xəzər Universitetinin Psixologiya departamentinin əməkdaşı, Xəzər Psixoloji Xidmət Mərkəzinin psixoloqu Mirsadiq Muxtarov 2025-ci il oktyabrın 18-də IPSYSO-nun (International Psychology Student Organization - "Beynəlxalq Psixologiya Tələbə Təşkilatı") tələbələr və mütəxəssislər üçün keçirdiyi vebinarda iştirak etmişdir.

Vebinarda Almaniyanın Otto-von-Guericke Universitetinin professoru Florian G. Kaiser "Campbell paradigmasında ətraf mühitə qarşı münasibət", ABŞ-ın Maryland Universitetinin professoru Arie Kruglanski "Ekstremizmin psixoloji dinamikası", Böyük Britaniyanın Leeds Universitetinin professoru Daryl O'Connor "Stress", İrlandiyanın Dublin City Universitetinin professoru Vlad Glaveanu "İmkanlar üzrə tədqiqatlar", Türkiyənin Boğaziçi Universitetinin dosenti Dr. Ela Arı "Sosial əlaqələrin əhəmiyyəti", Avstriyanın Alpen-Adria-Universität Klagenfurt universitetinin dosenti Barbara Hanfstingl "Motivasiya, düşüncə tərzi və özünü tənzimləmə bacarığı" mövzularında çıxış edərək, öz sahələrindəki ən son tədqiqatları və nəticələri nəzərə çatdırmışlar.