2025-ci il oktyabrın 17-də Xəzər Universitetinin Tarix və arxeologiya departamentinin təşkilatçılığı ilə 18 Oktyabr – Azərbaycanın Dövlət Müstəqilliyi Günü münasibətilə seminarlar keçirilib. Seminarların məqsədi tələbələrə Azərbaycanın müstəqillik tarixi haqqında daha dolğun məlumat vermək olub.

Seminarlar departamentin müəllimləri Dr. Rüxsarə Quliyeva, Dr. Yaqub Məmmədov və Dr. Odər Əlizadə tərəfindən təşkil olunub. Onlar Azərbaycanın müstəqillik tarixinin əsas mərhələləri, 1991-ci ildə dövlət müstəqilliyinin bərpasının tarixi əhəmiyyəti və müasir dövrdə müstəqil dövlət quruculuğu prosesindən danışıblar.

Tədbirdə gənclərin milli kimlik və vətənpərvərlik duyğularının möhkəmləndirilməsinin vacibliyi vurğulanıb, tələbələrin sualları cavablandırılıb və maraqlı fikir mübadiləsi aparılıb.